يشهد الله أنكم شهداء ... لصديقى الشاعر نور الدين غازى

يشهدُ اللهُ أنكم شهداءُ

يشهدُ الأنبياءُ.. والأولياءُ

مُتّمُ كي تعزّ كِلْمة ربّي

في ربوع أعزها الإسراءُ

إنتحرتمْ؟! نحن الذين إنتحرنا

بحياةٍ.. أمواتها الأحياءُ

أيها القومُ! نحنُ مُتنا...

فهيّانستمعْ ما يقول فينا الرِثاءُ

قد عجزنا.. حتي شكا العجزُ منّا

وبكينا.. حتي إزدرانا البكاءُ

وركعنا.. حتي إشمأز ركوعٌ

ورجونا.. حتي إستغاثَ الرجاءُ

وشكونا إلي طواغيتِ بيتٍ

أبيضٍ.. ملءُ قلبهِ الظلماءُ

ولثمنا حذاء شارون .. حتي

صاح مهلاً! قطعتموني! الحِذاءُ

أيّها القوم! نحن مُتنا.. ولكنْ

أنِفت أن تَضمّنا الغَبْراءُ

قل لآيات : يا عروسَ العوالي

!كلّ حسنٍ لمقلتيكِ الفِداءُ

حين يُخصي الفحول... صفوةُ قومي

تتصدي للمجرمِ الحسناءُ

تلثمُ الموْت وهي تضحكُ بِشْر

اًومن الموتِ يهربُ الزُعماءُ

فتحت بابها الجنانُ.. وحيّتْ

وتلقتكِ فاطمُ الزهراءُ

قُلْ لمن دبّجوا الفتاوي: رويداً!

رُبّ فتوي تضجّ منها السماءُ

حين يدعو الجهادُ.. يصمتُ حِبرٌ

ويراعٌ.. والكتبُ.. والفقهاءُ

حين يدعو الجهادُ... لا إستفتاءُ

الفتاوي، يوم الجهاد، الدماءُ

أصدقائى المقربين جدا ... أنا والجورنال وهواك

طبعا مقدرش أقول عنهم كلهم انهم عيال، لأن المسألة دى هتدخلنى ف متاهات كتيرة وخصوصا ان منهم اللى مش ممكن بأى شكل من الأشكال يتوصف انه عيل – ده طبعا ما يمنعش ان فيهم اللى أعيل من العيال كمان.

طبعا أنا دخلت فى مسألة المعيلة دى وما قلتش انا باتكلم عن مين أصلا، لكن والله اللى يعرفنى هيفهم لوحده، انا باتكلم طبعا عن أصدقائى وأقرب الناس لى ولقلبى فى جريدة الدستور.

الناس اللى قلبهم أبيض زى عمرو بدر و محمد الخولى ورضوان آدم، والناس اللى قلبهم منقط –يعنى أبيض منقط باسود- زى هانى الأعصر والشرير سيد تركى وغيرهم.

اوعوا يا جماعة حد يفتكر انى هاكتب عنهم وحش ... لا أبدا .. انا نويت كده والنية لله انى أعمل لهم فضيحة عمرهم ما شافوا أختها ف حياتهم.

عموما تعالوا نبدأ الفضايح ونشوف مين هيتفضح ومين ربنا هيكتب له السلامة مع العلم ان اللى هيزعل هيشوف شغله معايا، وانتوا عارفين ... نبدأ بمييييييين؟؟؟؟ نشوف كده

انا حابب بصراحة انى اتكلم فى الأول عن عمرو بدر

هتقول لى ليه –برغم انها حاجة ما تخصكش- لكن هجاوبك

عشان عمرو محتاج كتابة كتيرة اوى ومن بعده اتفرغ للعيال بقى.

أولا يا جماعة هو ده عمرو بدر

عمرو انسان راقى جدا – لو حد قال لكم انى باشكر فيه علشان هو خالى اوعوا تصدقوه انا هاتكلم عنه بأمانة والله – ولو ما قلتش كلمة راقى أبقى باوصفه بشكل أفضل، عمرو انسان حقيقى وانسانيته دى هى مصدر عذابه، لأن انسانيته بتقحمه فى حاجات هو مش دايما بيكون عايز يدخلها وأهمها مشاكل البعض – اللى مش هقول هما مين عشان أخلى الكل يشك ف نفسه- وعشان كده تلاقى كل الناس تحبه، وبصراحة لحد دلوقتى لم يختلف عليه اتنين والجميع يقر له بأنه أفضل واحد فى مجموعة الدستور واللى عنده اعتراض يطلع لى برة

عمرو متزوج وعنده ولدين زى القمر مازن وزياد ، وبالرغم من انى مخنوق من مسألة ان راسهم براسى فى العائلة لكن بحبهم جدا وده بيخليهم هما كمان يعاملونى كأنى أخوهم الصغير!! ومازن دايما يرضينى وياخدنى على قد عقلى هههههههههههه

كفاية بقى كلام عن عمرو عشان المساحة ونروح لمحمد الخولى اللى فى الصورة التانية ده


محمد انسان جميل ورائع وعنده حس أدبى وأسلوب كتابى مميز واتوقع له انه هيبقى نجيب محفوظ بعدين ويتعمل قضية تزوير وانتحال صفة نجيب محفوظ، لكن هو بجد بنى ادم ممتاز وانا شخصيا باحبه على المستوى الشخصى، وبصراحة كمان هو نموذج للصديق اللى كان نفسى أقابله من زمان اوى، وعشان كده انسجمنا بسرعة.

محمد بيحب رنا ممدوح والحمد لله ربنا وفقه وقدر يخطبها لكن – خدى بالك يا رنا – بيفكر يرجع ف كلامه عشان رنا قصيرة اوى – احنا بنهدى نفوس بس يا رجالة- بس هما الاتنين مثال حقيقى لأى عروسين كويسين .. ربنا يوفقهم.

--------------------------


اللى جاى ده بقى أعظم من فى الدستور، ده صديقنا كلنا الحميم رضوان آدم





آدم بقى واحد من الأفذاذ بجد والمبدعين، لكنه فى الوقت نفسه واحد من المهدر حقهم بشدة وأنا بحس ان المشكلة دى مش معاه فى الجورنال وبس ولكنها معاه فى كل مكان بيحط رجله فيه- محدش يقول انه نحس- قولوا ان اللى بيقدروا الموهبة بجد ماتوا

ادم خاطب دلوقتى وخطيبته هى الصحفية الرائعة مروى ياسين فى المصرى اليوم – يعنى لينا عملاء فى صحف تانية- بس آدم هو اللى مش بيستغلهم.


-----------------------


تعالالى بقى يا جميل اما اكتب عنك
ده هانى الأعصر







هانى صحفى شاطر بجد، رغم انه طويل جدا ، بس احنا كمان مش قصيرين يعنى، هو عصبى بس بجد تحب تتكلم معاه والوحيد فى الجورنال اللى ليه علاقات كويسة مع الناس حتى فى البوفيه وحتى بتوع التصحيح اللى احنا مش بنتعامل معاهم الا قليل جدا

هانى بسبب عصبيته وكرهه لاستبداد النظام ده غالبا هيتسبب فى اننا يتقبض علينا ان شاء الله فى أى مظاهرة و مش هيتقال انها محاولة معارضة نظام الحكم، ولا هتتعمل قضايا سياسية لينا احنا، هتتعمل لنا قضايا سب وقذف.. الله يكفينا عصبيتك يا هانى

-------------------------


نروح بقى لبيسان كساب

بيسان دى بقى حكاية ، هى لطيفة جدا جداا ، بيسان استخدمت جملة مهمة جدا لخصت بيها علاقة الصداقة والأخوة اللى بينا لما قالت "احنا صداقتنا قائمة على حاجة عمرها ما بنت صداقة" ، وده مرجعه حاجة هى فاهماها كويس ههههههههههه انا بحترم بيسان جدا قدام الضيوف وقدام بتوع البوفيه كمان، يعنى باديها البرستيج بتاعها قدام الناس انما وسط زملائنا بنسحبه تانى هههههههههههه، بس بيسان شخصية ممتازة وجميلة بجد، تحب تكلمها وتسمعها وتحب تقتلها أول ما تحس انها نسيت حاجة لأنها بتتحول لأداة صراخ مستمر والغريب ان الحاجة الضايعة دايما بتلاقيها ف شنطتها!!

بيسان من الناحية المهنية متفوقة بجد وبنت بتفهم صحافة كويس اوى وان شاء الله خلال فترة صغيرة هتبقى واحدة من اهم الصحفيات فى مصر وده رأيى فيها من زمان، كفاية بقى احسن تغتر

آمنتما بشعبيكما وقضاياهما, فقتلتما غدرا

شهادة وفاة

من أى نبع رائق يفيض حبنا
يغمرنا سعادة كأننا طفلين

كنا دائما ما نردد هذا البيت , كررته لها مئات المرات , وأذكر أنها طالما ذكرتنى به فى لحظات غضبى , ولكن اليوم , ومع مرور سبعة أشهر قضيتها أكابر وأكذب على نفسى وأكذبها حينما تصارحنى بأن هناك شيئا ما قد فقد بالفعل , بدأت أقتنع بأننى غير موجود
بدأت أقتنع بأن ثمة شىء أساسى وجوهرى فى حياتى قد اختفى , لأكتشف أن هذا الشىء هو حياتى نفسها ولذلك فقد قررت بنفسى .. وقبل أن يسبقنى أحدهم ويكتشف أمرى , أن أكتب بنفسى شهادة وفاتى متحملا عقوبة التأخير , أكتب شهادة وفاة بتاريخ قديم يعود لسبعة أشهر .. قضيتها غير مصدق أننى ميت منذ تركنا بعضنا ... لا يهمنى الآن ان كانت تتابعنى أم لا ولكن يهمنى أن تكون سعيدة لأعلن وفاة قلبى وأنا مطمئن.
لها منى كل حب وسلام وأمنيات بالهناء والسعادة
ولى منها كل لعنة لأنى ضيعتها بعد غفوة رأت فيها السعادة ثم سرقتها منها وهى عنى غافلة
لكن أعمل ايه .. غصب عنى والله.

اعتراف

الـهــــرم فـى لـيـلــه فــجــأه

اخـتـفـى مـن مـصـر أجـمــع

داب كـأنــه لـيـلــه ضـلــمــه

نـورتـهــا شـمــس تـسـطــع

والـحـكـومـه فى اجتـماعـهـا

طـمـنـتـنــا أوعــى نــفــــزع

أى مــا تـكــون الـخـســايـــر

تـبـنـى غـيـره مهـمـا تـدفــع

والـبـولـيـس بـعـد الـتـحــرى

قـال نـتـايــج لـجـل تـشــفــع

الـبـولـيـس أصــدر بـيــانـــه

واتـهــم خــوفـــو وخـفـــرع

قـبضـوا طبعـاً عـاللى جـانـى

والـخبـر فى الـصبـح يـطـلـع

اعـتـرف خـوفــو بجريـمـتـه

قـال ســرقـنـا لـجـل نـشـبــع

لـجـل نـقـضـى سهـره حمـرا

ويّـــا رقــاصــــه بـتــلــمـــع

واعــتــرافــه ده مــســجّـــل

والـلى شاكك يـيـجى يـسـمـع

للشاعر المصرى المتميز / اسماعيل بدر

السجن 3 سنوات للضابط اسلام نبيه المتهم بهتك عرض "عماد الكبير"

قضت محكمة مصرية الاثنين 5-11-2007 بحبس ضابط وأمين شرطة لمدة ثلاث سنواتلكل منهما لادانتهما بتعذيب وهتك عرض سائق قبل حوالي عامين في قضية أثارتغضب الرأي العام وأثارت ادانات من منظمات حقوقية دولية.وألقي القبض على ضابط الشرطة اسلام نبيه وأمين الشرطة رضا فتحي في ديسمبركانون الاول بعد أن نشرت مدونات مصرية واسعة الانتشار على الانترنت شريطفيديو تم تصويره خلسة ويظهر فيه شخص وقد وضع عصا في دبر السائق عمادالكبير.وقال رئيس المركز العربي لاستقلال القضاء والمحاماة المحامي ناصر امينالذي اقام هذه الدعوى ضد رجلي الشرطة "هذه اقسى عقوبة صدرت ضد رجالشرطة في قضية تعذيب منذ عشرين عاما”.وأبلغ "الكبير " وهو سائق حافلة صغيرة السلطات بأن نبيه وفتحي عذباه في قسمشرطة بولاق الدكرور بغرب القاهرة بعد القاء القبض عليه وضربه بسبب تدخلهلفض مشاجرة بين شقيقه وضباط شرطة اخرين.وأحكام محاكم الجنايات المصرية نهائية لكن مصادر قضائية قالت ان المحكومعليهما سيطعنان في الحكم أمام محكمة النقض وهي أعلى محكمة مدنية مصرية.ولا تنظر محكمة النقض في موضوع أي دعوى مطعون في الحكم الصادر فيها لكنتنظر في ما اذا كان هناك خطأ في تطبيق القانون تسبب في صدور الحكمالمطعون فيه.وتقول منظمات حقوقية دولية ومحلية ان التعذيب منتشر على نطاق واسع فيالسجون ومراكز الاحتجاز في أقسام الشرطة المصرية.وقال ضحايا انهم تعرضوا للتعذيب بصدمات كهربائية وضربوا. وتقول مصر انهاضد التعذيب وتحاكم رجال الشرطة الذين يقوم دليل على ارتكابهم جريمةالتعذيب.وظهر الكبير في شريط الفيديو عاريا من الوسط الى أسفل جسده وكانت يداهمقيدتين خلف ظهره ونائما على الارض ورجلاه مرفوعتين. وكان يصرخ ويتوسلبينما توضع العصا في دبره وكان المحيطان به اللذان لم يظهر وجهاهمايسخران منه.وقالت المحكمة في أسباب الحكم ان تقرير الخبير الفني في الدعوى أثبتتطابق صوتين مسجلين على الشريط مع صوتي الضابط وأمين الشرطة.وأضافت أن "المتهم الاول ضرب بكل القيم عرض الحائط ولم ينتبه للمسؤوليةالقانونية التي أقسم عليها اليمين وراح يرتكب جريمة التعذيب.”وتابعت أن المتهم الاول أمر المتهم الثاني بتصوير "تلك المشاهد وكأنهيرتكب عملا يفخر به.”وقال الكبير ان الضابط وزع نسخا من شريط الفيديو على سائقين في المنطقةالتي يعمل فيها لاذلاله.وقالت المحكمة انها استعملت الرأفة مع نبيه وفتحي بسبب حداثة سن كل منهماوقلة خبرته.وألقي الضوء في الشهور الماضية على عدد من قضايا التعذيب المهمة من بينهاادعاءات بتعذيب فتى عمره 13 عاما مات لاحقا بسبب ما لحق به من اصابات.وقال محامي الكبير ان الضباط هددوا موكله حين تقدم بشكوى الى السلطات.وحكم على الكبير بالحبس لمدة ثلاثة أشهر لادانته بمقاومة السلطات والتعديعلى رجل شرطة في نفس الواقعة.

نقلا عن مدونة مصر الموازية

هكذا قال لها

كل عام وانتى حبيبتى

برغم الفراق ورغم السفر و رغم الدموع ورغم كل شىء لم يكن أبدا فى حسباننا ونحن نخطو خطواتنا الأولى نحو حب لم تشهد له الدنيا مثيل ..

هكذا قال لها عن بعد حين رآها خلسة من عينيها ومن أعين الناس محاولا أن يهتف ولكن بصوت لا تسمعه هى .. انه ناجح فى أن يجعلها تكرهه وتكره كل ما ينتمى هو اليه , ولكنه لم ينجح فى أن يكون صادقا مع نفسه أو متسقا مع نفسه , ربما لن أستطيع أن اتحدث عنه أكثر لأنى لم أعد أعرفه كما عرفته من قبل

ولكن ما أعرفه عنه حاليا وما ألمحه كلما نظرت الى عينيه .. أنه صار أشلاء رجل

لكم أنت ظالم وقاس أيها الحب