كل سنة وانتم طيبين

صباح الخير ... حسب الوقت اللى باكتب فيه 

أو مساء الخير .. حسب ما هتقرأ أنت بقى يا معلم .. انت ووقتك يعنى

انا مش داخل هنا أقول حاجة .. بس عايز اعيد على الناس واقول لهم كل سنة وانتم طيببين

يعنى عايز أقول لأمى ولأخوتى كل سنة وانتم طيبين

عايز أقول لزملائى كل سنة وانتم طيبين 

عايز أقول لأصحابى كل سنة وانتم طيبين

وعايز أقول للجورنال كله - بدبابيره وغربانه- كل سنة وانتم طيبين

وعايز أقول لحبيبتى كل سنة وانتى طيبة وأفكرها ان النهاردة هو اليوم السادس والخمسين 

والعيال اللى بيلعبوا فى الشارع عندى بقولهم كل سنة وانتم طيبين

والعيال التانيين اللى بيلعبوا على سلم العمارة بقولهم كل سنة وانتم طيبين

وزمايلى اللى مسافرين كمان كل سنة وانتم طيبين

وبالمرة العصافير كل سنة وهما طيبين

والله موضوع العيد ده طلع صعب والواحد لو فتح مش هيخلص .. عموما كل اللى ما كلمتهمش أو بعت لهم مسدجات كل سنة وهما طيبين

وانا كمان